loley-girl Admin
عدد الرسائل : 96 البلد : الكويت المزاج : وناسة وبس مزاجي : هوايتي : تاريخ التسجيل : 21/07/2008
| موضوع: اهلال عيد ... ودمع فرحه الخميس 2 أكتوبر 2008 - 7:13 | |
| اهلال عيد ... ودمع فرحه حسين جهيد الحافظ الناصرية أيلول /2008 اهلال عيد ... ودمع فرحه
ونهر يحضن ماي كوثر
عمر بأول أيّامه اِو لاوه چف الموت
اِشتظن اِيطيح من يكبر
برعم عشگ ....
خضر شوگ بالصيهود
اِشلون اِبساعة الخنياب يتكسر
حلم طرز جفن كل عين
فرحه وبالمحنه أزهر
حضن والد ...
... چبير ولام كل الناس
غيمة فرح من يمطر وفه ونوماس
الناصرية اِعيون
مرسوم الكحل بيهه
ضحك طفله
غوه اِحديثه
ومجس حسّاس
خلگهه اِمتد على الوادم
محيه وود سهر حراس
طبه كل بيت بيهه اِيفيض
... حنيه ويطش اِحساس
طائيه اِبكرمهه
واِبعشگهه اِجنون
قيس وبالشهاده حسين
هي وبالوفه عباس
تمطر طيب ساعة من يشح الطيب
حرز يرهم طبعهه ويكتل الوهواس
بيه أول حرف واِتباهه بيهه الكون
والتاريخ ... أخذهه للفخر مقياس
المجد بيهه .. تعله اِعله الثرية وفوگ
صارت للمجد نبراس
كبر بشفافهه الحيّاك
لا ثگل خلگهه ولا وجه دارت
جسر هي اِبحلمهه وعبرت أجيال
وضوه يابو ضوه لدروبهم صارت
ميدان وعليهه اِشكثر ركضت خيل
صهلت ...
... حمحمت
... غارت
بلد يوزن خلگهه لا
خلگهه الگاع
..... لا صاحت
.... ولا جارت
اِشكثر ما غمگت بيهه المساحي
اِتفيض حنيه
غوه اِحديثه
وستر بت بيت نشميه
عفيه أم النشامه الكبروا اِعله الظيم
متحزمين بالغيره الفخر عنوان
اِشكث أرواح يا بو أرواح
اشنطوا للوطن قربان
لتعثر جدمهم يوم لا گصر
اِهلال العيد هي وماي
طاح امن السمه كوثر
_____________________________________
| |
|